O ao Iroij! Kwojela bwe menin metak im jorren emoj air kabol armij otemjej im rej bed ilo mejatoto in entan im aban. Aolep menin melejon rej ioklok armij im aolep menin jorren rej bunlebleb ion einwot an serpanit kakure. Ejelok jikin an kone im tilekek ak iumin wot ailurlur in Beim, iumin wonake im kejbarok eo Am.
O kwe Dri tiriamo! O ao Iroij! Komman bwe kejbarok eo Am en ao jikin kone, wonake eo Am ej ao kein kottorak, ao etta iman aor in juon wot eo Am ej menin kejbarok kio, wonake im kejbarok eo Am ej ao jikin kone. Kejbarok io jen konan im mom an mour in, bareinwot kejbarok io jen naninmij, menin melejon, aban im mour in entan.
Emol, Kwe Dri kejbarok, Dri Wonake, Dri Lale men otemjej, Dri Kabwe aikuij, im emol, Kwe Dri Tiriamo Eo ejelok uan.