A donda kuli fini po, ô o diedo n Tienu ! N miadi ha a Yecianli yua ke bi luoni Akka dogu kadi dieli nni ke nani han nua maama, ô n Tienu- ye a nanditieba nu nni ke a nibiada juga jiendo, han pa nni o gbamanu a jaanma nni ki gobidi n nuni yogu kuli a cancanli kani, lani tie li bakuli n da ba ya fidu ke o ba paadi nni leni O.
N siedi, ô n diedo, ke o yie li miali a sanu nni ke, mi buama a po, o li bi sugini fala o yuli po. O la falima buoli kuli ki yuandi fidi ki duagidi a bali a ŋoadikaaba po ki kpiagi a maama a tagima siiga. Ya yogunu ke i duoli bi biagidi ke ya fala ke a bi tuuni o po bi coagindo i kaani kuli, o buama a po yen yabidi o ya tia a po maama ke yaaba kuli n bi yie a maalima ki go yie ke bi kan tuo ha cedi o jiendi.
N miadi ha, ô n diedo, o yeli po leni wan die yaali kuli po, han teni n buama o po, nan wan teni o yaala a po maama. N siedi ke o buama tie a buama, o moano a moano, o ŋamu a ŋamu ke o jaanma mo a jaanma.
Da yie n po ô n diedo, han pia yaala, da cedi min sundi han bua yaala a dana nni. A tie imoamoani po o fidu kuli daano, yua kpedi boncianla, ti yenpagidi kuli daano, yua ya yanfuoma n ki pia bianu.
