Ti pagidi ye leni A, ô o Diedo n Tienu ! N tie yua n lingi a jagili yanbuama ki cuoni ki cuubi a ŋanma kpagili kani. N tie yua n ŋa bonli kuli ki tiini ki cuubi a wuonkaanu, ki pegidi n nunga a duagidima diegu po leni a yenpagidi yua ke ti kpiagidi dieŋangu kani. N miadi a, ô n Diedo, a yiini yaala n cedi ke yaaba n bandi a taanyema lingi a gobidi ŋanma guudima ki go cedi ke yaaba n tiegi sani ki fagidi leni bi yula ki pegidi ki nua a yeli, yua pia ti kpiagidi, yua pia ti yenpagidi, yua ya po ke a walimu jiidi, ke a maama soani ke a siedi duagidi ; yua ya po ke a ŋamu yienga fii, ke a siedi nba tieni ke a maalima ñiidi, n miadi a han pan ni mi ŋanma yua tie ban cuadi ki taani nni yaaba n ñuni, a gobidi ŋanma nu nni, mi yemoanma divin, ki nan fidi ki landi ki ñani a sanu nni a tagima kuli lolima, ke a yanfuoma yua ki pia biigima gaadi ba, maama ke leni a pagidi bi ñobu nni leni a tiadima bi pala nni, bi sani ki baa kua li padili kuanu nni. Soani n po lanwani, ô n Tienu, yaala nba ŋuudi nni ki ñani yaala n ki tie fini kuli ki ga n ni a yibali nba yaaba n yie ke bi kan tuo a maalima kani.
A pia o fidu ki ba tieni han bua yaala. Utienu toa ki ye ke laa tie Fini, Yua todi fala nni, Yua n ye O yuli po.
