O Kwe Iroij in joij! Kwar komanman aolep armij otemjej jen juon wot bwij. Kwar kakien bwe aolep armij ren jen juon wot imon jokwe. Ilo bed eo Am Ekwojarjar aolep armij rej Dri jelkam, im aolep armij rej bed iumin jikin kejbarok ilo Lokotok eo Am; emoj an aolep kobatok ilo Table in Jeramon eo Am; aolep rej romak lok kin meram in kejbarok eo Am.
O Anij! Kwojoij nan aolep, emoj Am kabwe aikuij ko an aolep, Kwoj kejbarok aolep, im lelok mour ion aolep. Emoj Am kejramon aolep kin talen im jelalokjen ko, im aolep emoj air rumulok ilo lometo in tiriamo eo Am.
O Kwe Iroij in joij! Kobaik aolep. Komman bwe kabun ko ren erra ibben dron im komman bwe lal ko ren koba im juon wot, bwe ren maron kalimjek im kile bwe rej juon wot family im bwe lalin ej juon wot imon jokwe. Komman bwe ren mour ibben dron ilo ainemon.
O Anij! Kajutak im kallikar flag in juon wot eo an armij otemjej. O Anij! Kajutak ainemon eo elab tata. Kwon kobaik im kabin, O Anij, buru ko otemjej ibben dron. O Kwe eo Jemam ejoij, Anij! Kamononoik buruom kin melu in yokwe eo Am. Kemaram lok mejam kin meram in tel eo Am. Kamononoik lojilnim kin ainikien Naan eo Am emmon, im kejbarok kim ilo Jikin Likebijnak eo Am ebin.
Kwe Dri maron im Dri kajur, Kwe Dri jolok bwid im Kwoj Juon eo ejjap kalimjek likjab ko an armij otemjej.
