Tablet Eo An Ahmad
E Ej King, Dri Jela men otemjej, Dri Meletlet!
Lo, Bao-Nightingale in Paradise eo ej al ion ran wijki in Mour Indreo, kin al ko rekwojarjar im remejaja, kalikar nan ro dri mol kin naan in lanlin ko kin an Anij ebaktok, kir ro rej tomak ilo Buru juon wot eo an Anij nan loan oror eo an Eo Ejoij, kojelaik ro emoj kejenolok ir kin naan eo emoj an waloktok jen Anij, Eo ej King, Eo eaibuijuij, Eo ejelok Uan, tel dri yokwe ro An nan jikin jijet eo ekwojarjar im nan woleo in Eaibuiujuij.
Emol, enin ej Woleo eo Elab Tata, im kar kennan kake ilo Buk ko an Dri Jilok ro, eo im mol naj kalikar im kejenolok jen bwid, im jelalokjen ilo aolep kir naj melejone. Emol ej Wijki in Mour eo ej jebar im kale leen ko an Anij, Eo eutiej, Eo Ekajur, Eo Ebunbun.
O Ahmad! Kwon kamol bwe mol ej Anij, im ejelok Anij Ijelokin, Eo ej King, Eo Dri Kejbarok, Eo ejelok einwot, Eo Dri Kajur Otem Kajur, im Eo kar jilkintok ilo et in Ali (Eo Ekwojarjar, Bab) emol E Eo ej jen Anij, Eo im ijilok ko An jej lori.
Kwon ba: O armij, komin bokake kein ko an Anij, ko emoj An Eo Eaibuijuij im Eo Dri Meletlet likit ilo Bayan eo, Eo Eaibuijuij, Eo Emeletlet. Emol Ej King an ro Dri jilkan im Buk eo An ej Jinen Buk, elane kom ar jaje. Ilo wewen in Bao-Nightingale ej kir kom jen prison in. Ej aikuij in bokwaj wot naan in ealikar. Jabrewot eo ekonan, en oktak lok jen kakabiloklok in, im jabrewot eo ekonan en kelet ial eo nan Iroij eo an.
O armij ran, elane kom naj karmijete naan kein, ewi menin ami kamol bwe kom ar tomak ilo Anij? Komin kwalok, O kom ro ilo rolul eo an ro rebwid.
Jab, ilo etan Eo ebed mour eo ao ilobdren Bein, rejab maron, im renaj jamin maron kommane menin, mene renaj koba im jiban dron.
O Ahmad! Jab meloklok menin jeramon ko Ao ilo Ao jako. Kememej ran ko Ao ilo ran ko am, im Ao jorren im jibokwe ilo prison eo ettolok. Im kwon bin ilo yokwe eo Ao, bwe buruom en jamin makitkit, mene jaje ko an ro dri kejrat renaj mitak iom im aolep lan im lal renaj jutak nae yuk.
Kwon einwot juon kijeek nan ro rej kejrate Io im juon river in mour indreo nan ro rej yokwe Io, im kwon jab juon ian ro rej berre.
Im ne kwonaj ion jorren ak jerata ilo ial eo Ao, ak bed ilo jeramol kin Io, kwon jab naj inebata kin men kein.
Dror am like ibben Anij, am Anij, im Iroij an ro jimmam. Bwe armij rejabwebwe ilo ial in tomak ko rewan, ejelok air maron in kile Anij kin mejeier make, ak ron An al kin lojilnier make. Men kein emoj Amw loi ibbeier, einwot ke kwoj bareinwot kamoli.
Eindrein an menin kabun ko rewan oktak im ronol ko ikotaier im buruier make drebij ir jen ial eo an Anij, Eo Eutiej, Eo Ekajur ejellok Uan.
Kwon make like ibbam bwe mol, eo ej oktak lok jen Woleo in ear bareinwot oktak lok jen Dri Jilok ro kar mokta im kalikar utiej buru nae Anij jen idreo im indreo.
Kwon kanoij in katak loan Tablet in, O Ahmad. Al im jar kake ilo ran ko am im jab drordror lok yuk jene. Bwe emol, Anij emoj An kelet nan juon eo ej al im jar kake, wonen wot jibuki ro rej mij kin air tomak im juon jerbal ilo lal kein ruo. Menin jiban kein emoj Amw lewoj iom, einwot juon joij jen ijo Kunam im einwot juon tiriamo jen Kim, bwe kwon maron in juon ian ro rej kamolol.
Kin Anij! Elane juon ej bed ilo kilan jorren ak liejlol im naj konono Tablet in ilo an mol otem mol, Anij enaj jolok an buromoj, na mejlan lokjak ko an, im jolok entan ko an.
Emol, Ej Dri Tiriamo, Dri Meanwor. Nebar Anij, Iroij in lal otemjej.
