Jabrewot ien komij drelon ilo room in jikin kwelok eo, komin konono kin jar in kin buru eo eobrak kin yokwe Anij im juon lo eo erreo jen aolep men otemjej ak ilo wot ememej E, bwe Eo Ekajur potata en maron jiban yuk bwe kwon bok anjo eo eutiej tata.
O Anij, ao Anij! Kemij dri jerbal ro Am emoj air rewaj kin aolepen mol in buruier nan Turin Mejam Ekwojarjar, im emoj amw ellok jen men otemjej ak Kwe wot ilo Rainin eaibuijuij. Emoj amw kwelok tok ilo Spiritual Assembly in, koba ilo bebe im lomnak ko amw, kin karok im bebe ko amw rej juon wot nan kabunbun lok Naan eo am ilubiljin armij otemjej. O Iroij, amw Anij! Komman bwe kemin kokkalen tel eo Am jen Lan, kemin Jonak ko an Katak eo Am eutiej ilubiljin armij, kemin dri jerbal nan Bujen eo Am ekajur, O kwe amw Iroij Eutiej Tata, kemin ro rej dri kallikar buru juon eo Am Ekwojarjar ilo Ailin in Abha eo Am, im iju ko rerabolbol rej romak ion jikin ko otemjej. Iroij! Jiban kim nan amw erom lomalo ko rej limajnono kin noon joij eo Am ekabwilonlon, amw erom dren ko rej tortok jen ijoko Jikum reutiej im reaibuijuij otem aibuijuij, amw erom leen wijki ko remmon iran wijki in Katak eo Am jen Lan, amw erom wijki ko rej emakitkit kin anjwiwi ko jen Joij eo Am ilo Jikin Kallib eo Am jen lan. O Anij! Komman bwe jitob ko amw ren atartar waj ion naan ko kin buru wot juon eo Am jen Lan, komman bwe buruom ren obrak kin lanlin jen lutok tok in Joij eo Am bwe kemin koba einwot no ko noon juon wot lomalo im koba einwot koon Meram eo Am eromak; bwe lomnak ko amw, bebe ko amw, enjake ko amw ren erom juon wot mol, im kwalok kin mour in buru wot juon ibelakin lalin. Kwe Dri Joij, Eo Eobrak kin jeramon, Dri Letok, Dri Maron, Dri Tiriamo im Eo Ejelok jonan an Meanwor.
